Aran Sei

விதை வர்த்தக ஒத்திசைவுத் திட்டம்: ஆப்பிரிக்காவின் விவசாயத்தை மலடாக்கும் திட்டம்

முழு ஆப்பிரிக்கக் கண்டமும் இப்போது இரண்டு விதை மேலாண்மை அமைப்புகளுக்கு இடையே போராடிக்கொண்டிருக்கிறது. ஒன்று உழவர் விதை அமைப்புகள்.  இவை பெரும்பான்மையாக உள்ள சிறு விவசாயிகளால் நிர்வகிக்கப்படும் முறைசாரா மற்றும் பூர்வீக அமைப்புகள்.  மற்றொன்று தொழில்முறை விதைத் துறை.  இது ஒரு சில பன்னாட்டு நிறுவனங்கள் உள்ளூர் துணை நிறுவனங்களுடன் கைகோர்த்து ஆதிக்கம் செலுத்தும் முறையான வர்த்தகம்.

புதிதாக ஏற்றுக்கொள்ளப்பட்ட விதைச் சட்டங்கள் முறையான தொழில்முறை விதைத் துறையை உள்ளடக்கியது. மலாவியின் புதிய விதைச் சட்டம் ஆப்பிரிக்காவில் விதைத் துறையை முறைப்படுத்த அல்லது தொழில்மயமாக்குவதற்கான இந்த உந்துதலின் சமீபத்திய வளர்ச்சியாகும்.  இது கடந்த ஐந்து ஆண்டுகளில் சுமார் 20 நாடுகளில் விதைக் கொள்கைகளை உருவாக்கியுள்ளது. கண்டம் முழுவதும் சான்றளிக்கப்பட்ட விதைகளை எளிதாகக்  கொண்டு செல்ல  வசதியாக “விதை வர்த்தக ஒத்திசைவு” என்று அழைக்கப்படும் ஒரு செயல்முறையை இப்போது  பல ஆப்பிரிக்க நாடுகள் செயல்படுத்த முயல்கின்றன.

‘இந்திய ஜனநாயகத்துக்கு ஏற்பட்டுள்ள பாதிப்பை சரிசெய்ய இயலாது’ – அருந்ததி ராய்

2005 முதல், ஆப்பிரிக்க நாடுகள் விதைத் துறையை மேம்படுத்துவதற்கான வழிகள் குறித்து பேச்சுவார்த்தை நடத்தி வந்தன. ஆப்பிரிக்க விதை மற்றும் உயிரி தொழில்நுட்பத் திட்டம் – ஆப்பிரிக்க ஒன்றியத்தால் (AU) வழிநடத்தப்பட்ட கண்டம் முழுவதற்குமான ஒரு விதை திட்டம் – 2008 இல் நடைமுறைக்கு வந்தது. பயனுள்ள, திறமையான விதை அமைப்புகளை நிறுவுதலும் விதைத் துறையில் உயிரி தொழில்நுட்பம் மற்றும் வழிமுறைகளின் மேம்படுத்தப்பட்ட பயன்பாட்டைக் கொண்டு வருதலும் அதன் நோக்கம் ஆகும்.

கண்டத்திற்குள், பல வட்டார பொருளாதார தொகுதிகளுக்கான குறிப்பிட்ட விதை ஒழுங்குமுறை அதிகார அமைப்புகள் உள்ளன. 21 ஆப்பிரிக்க நாடுகளின் பொருளாதாரக் கூட்டமைப்பான கிழக்கு மற்றும் தெற்கு ஆப்பிரிக்காவிற்கான பொதுச் சந்தை (COMESA), 2014 இல் அதன்  விதை ஒத்திசைவு அமலாக்கத் திட்டத்தை (COMSHIP) ஏற்றுக்கொண்டது. 15 நாடுகளின்  வட்டார பொருளாதார, அரசியல் கூட்டமைப்பான மேற்கு ஆப்பிரிக்க நாடுகளின் பொருளாதார சமூகம் (ECOWAS),  2008 இல் விதை ஒழுங்குமுறைகளை நிறைவேற்றியது.  16 நாடுகளின் பாதுகாப்பு, அரசியல் கூட்டமைப்பான தென்னாப்பிரிக்க அபிவிருத்தி சமூகம் (SADC),  2013 இல் இணக்கமான விதை ஒழுங்குமுறை அமைப்பை (HSRS) ஏற்றுக்கொண்டது.

இந்த ஒழுங்கமைப்புகள் அனைத்தும் பல்வகை விதை வெளியீடுகள், விதை சான்றிதழ்கள் மற்றும் தாவரவியல் கட்டுப்பாடு ஆகியவற்றை நிர்வகிக்கின்றன.  எனவே,  இந்த 15 ஆண்டுகளில்,  இந்தத் துறையை முறைப்படுத்துவதற்கு ஒரு நிறுவன இயக்கத்தை உருவாக்க  முயற்சிகள் விரிவான மேற்கொள்ளப்பட்டன.

ஆர்.எஸ்.எஸ் இயக்கத்திற்கு எதிரான தெற்கின் குரல் – தேவனூரு மகாதேவாவும் பா.ரஞ்சித்தும்

2018 இல் நாட்டின் விதைக் கொள்கை அறிமுகப்படுத்தப்பட்ட நான்கு ஆண்டுகளுக்குப் பிறகு மலாவியில் புதிய விதைச் சட்டம் இயற்றப்பட்டுள்ளது. இந்தக் கொள்கையானது விதை ஒழுங்குமுறை அமைப்பால் இயக்கப்படுகிறது.  இதில் மலாவி கையெழுத்திட்டுள்ளது.விதை ஒழுங்குமுறை அமைப்பானது விதை உற்பத்தி மற்றும் உறுப்பு நாடுகளிடையே வர்த்தகத்திற்கான உயர்ந்த தரநிலைகளை நிறுவுகிறது, மேம்படுத்தப்பட்ட, உயர்தர விதைகளை விரைவாக எல்லை தாண்டிச் செல்ல அனுமதிக்கிறது.

இதன் கீழ் வரும் நாடுகள், பல்வகை விதை வெளியீடு, விதை சான்றிதழ், தர உத்தரவாதம், விதைகளுக்கான தனிமைப்படுத்தல் மற்றும் தாவர சுகாதார நடவடிக்கைகள்  ஆகிய வட்டாரக் கொள்கையின் மூன்று கூறுகளிலும் தேவையான நிறுவன மாற்றங்களைச் செய்ய வேண்டும்: மலாவி விதைச் சட்டத்தை இயற்றியதன் மூலம், ஜாம்பியாவிற்குப் பிறகு விதை ஒழுங்குமுறை அமைப்பை முழுமையாக வளர்த்தெடுக்கும் இரண்டாவது தென்னாப்பிரிக்க அபிவிருத்தி சமூக (SADC)  நாடாக ஆனது.கிழக்கு மற்றும் தெற்கு ஆப்பிரிக்காவிற்கான பொதுச் சந்தை (COMESA),   அதன் உறுப்பு நாடுகளில் விதை ஒத்திசைவு அமலாக்கத் திட்டத்தின்  (COMSHIP) மூலம் இந்த செயல்முறையை முன்னெடுத்து வருகிறது. இது கிழக்கு மற்றும் தென்னாப்பிரிக்காவில் பண்ட வர்த்தகத்திற்கான அதன் கூட்டணி (ACTESA) திட்டத்தின் கீழ் வழிநடத்தப்படுகிறது. “ 9 கோடி சிறு விவசாயிகளில் 20  விழுக்காட்டினருக்கு மட்டுமே தரமான விதை கிடைக்கிறது.

அனைவருக்கும் மேம்படுத்தப்பட்ட விதைகள் கிடைப்பதை உறுதி செய்வதே இந்த முயற்சியாகும். இது சொந்த பயன்பாட்டிற்காக உள்நாட்டு விதைகளைப் பயன்படுத்துவதைத் தடுக்காது. நீங்கள் தரமான விதையை உற்பத்தி செய்கிறீர்களா என்பதை உறுதிசெய்யும் ஆய்வுகளை உள்ளடக்கிய முறையான அமைப்பு மற்றும் மக்கள் உள்நாட்டு விதைகளைப் பயன்படுத்தக்கூடிய முறைசாரா விதை முறை ஆகிய இரண்டையும் COMESA அமைப்பு மேற்கொள்கிறது,” ACTESA இன் தலைமை நிர்வாக இயக்குனர் ஜான் முகுகா கூறுகிறார்.

இலங்கையின் பொருளாதார நெருக்கடிக்கு காரணம் தனியார்மயம்தான் – ஷோபா சக்தி

“விதையின்றி நாம் எதையும் வளர்க்க முடியாது. அதுவும் நமக்குச் சொந்தமில்லையென்றால்,  நமக்குச் சொந்தமாக உணவும் இல்லை” என்பதுதான் ஆப்பிரிக்காவில் புதிய போர்க் கூச்சலாகத் தெரிகிறது  என மூன்று நாடுகளில் அவற்றின் வளர்ச்சியை  ஆய்வு செய்த டிடிஇ (DTE) நிருபர்கள் கூறினர்.  அதிக மகசூல் தரும் ரகங்களை விவசாயிகள் அணுகுவதற்கு உதவுவதற்காக, விதைச் சந்தைகளை ஒழுங்குபடுத்துவதற்கு ஒவ்வொரு நாடாக விதைச்  சட்டங்களை ஏற்றுக்கொண்டு வருகின்றன.

ஒரு காலத்தில், கண்டம் குறிப்பிட்ட உணவுப் பன்முகத்தன்மைக்கு தனித்துவமான புவியியல் குறிச்சொற்களைக் கொண்டிருந்தது. மலாவி அதன் உருளைக்கிழங்கிற்கு பெயர் பெற்றது; ஜாம்பியா சுவையான மற்றும் சத்தான சோளத்தை உற்பத்தி செய்தது; மேற்கு ஆப்பிரிக்காவில் தினை இருந்தது;  வட ஆப்பிரிக்கா  பெரும்பாலும் நைல் நதிக்கரையில் வளர்க்கப்பட்ட நெல்லால் நிரம்பியது. .ஆனால் இடையில் நடந்த ஏதோ ஒன்றால், இந்த உள்நாட்டு விதைகள் மற்றும் பயிர்கள் அழிந்து போகின்றன. தற்போது மிகச் சில ஆப்பிரிக்கர்கள் மட்டுமே கண்டத்தின் பூர்வீக உணவுகளை வளர்ப்பதில் பெருமை கொள்ள முடியும். இது ஒருபுறம் இருக்க, பெரும்பாலான நாடுகளில் இப்போது ஒரு சில நிறுவனங்களால் உற்பத்தி செய்யப்படும் விதைகளிலிருந்து வளர்க்கப்படும் பயிர்களே ஆதிக்கம் செலுத்துகின்றன.

தற்போது இந்தச் சட்டங்களுக்கு எதிரான போராட்டங்களும் வலுப்பெற்றுள்ளன. பல பில்லியன் டாலர் வர்த்தகத்தை கையகப்படுத்துவதற்கு அரசாங்கங்களுக்கும் பன்னாட்டு விதை நிறுவனங்களுக்கும் இடையிலான தொடர்பின் உச்சக்கட்டமாகவே கண்டம் முழுவதும் உள்ள விவசாயிகள் குழுக்கள் இந்தச் சட்டங்களை பார்க்கின்றன.  அவர்கள் அதை தங்கள் உணவு இறையாண்மையின் மீதான அத்துமீறலாகப் பார்க்கிறார்கள்.  மேலும் அவர்கள் அந்த விதைகளை வாங்கத் தொடங்கியவுடன் அவற்றின் மீதான உரிமைகளை விரைவில் இழக்க நேரிடும் என்று அஞ்சுகிறார்கள்.தென்னாப்பிரிக்க அபிவிருத்தி சமூகம் (SADC)  மற்றும் கிழக்கு மற்றும் தெற்கு ஆப்பிரிக்காவிற்கான பொதுச் சந்தை (COMESA} இன் கீழ் விதை    ஒத்திசைவு முன்னெடுப்பில் ஈடுபட்ட முதன்மை நாடுகளில் ஒன்றான ஜாம்பியாவின் விஷயத்தை எடுத்துக் கொள்ளுங்கள்.ஜாம்பியாவின் விதைச் சட்டங்களின் கீழ், உள்நாட்டு விதைகளை வர்த்தகம் செய்வதற்கு ஒரு விவசாயி தரச் சான்றிதழைப் பெற வேண்டும். நாட்டின் உழவர் விதை அமைப்பு, மற்ற இடங்களைப் போலவே, ஒரு முறைசாரா ஆனால் நிறுவப்பட்ட வலையமைப்பின் கீழ் விதை பரிமாற்றம் செய்கிறது.

குஜராத் கலவர வழக்கு: மனித உரிமை ஆர்வலர் தீஸ்டா செடல்வாட்டின் கைதும் பின்னணியும்

2014 ஆம் ஆண்டில், விதை ஒத்திசைவு முயற்சிகளுக்கு எதிராக பல விவசாயிகள் குழுக்கள் மற்றும் இலாப நோக்கற்ற இயக்கங்களின் எதிர்ப்புகளை நாடு கண்டது. விவசாயிகள் இன்னும் நம்பியிருக்கும் உள்நாட்டு பயிர்களுக்கும் அறிவுக்கும் அச்சுறுத்தலை அவர்கள் கண்டனர். விதை ஒத்திசைவுத் திட்டம் உள்நாட்டு விதை செழிப்பைத் தடுக்கும் என்று அவர்கள் கருதினர். அது சரியாக அந்த வழியில் வெளிப்பட்டது.  ஜாம்பியா வேளாண்மை ஆராய்ச்சி நிறுவனத்தில் (ZARI) அமைந்துள்ள தேசிய தாவர வள மையத்திற்கு ஒருவர் சென்று பார்த்தால்,  அங்கு நாட்டின் உள்நாட்டு விதை, தாவரப் பன்முகத்தன்மை மற்றும் ரகங்களுக்கு வேலை இல்லை என்பதை அறிந்து கொள்ள முடியும்.இந்த மையம் ஒரு மரபணு வங்கியாகும்.  இது நாடெங்கிலும் உள்ள உள்நாட்டு விதைகள் மற்றும் தாவரங்களை அழிவிலிருந்து காப்பாற்றுவதற்காக அவற்றை சேகரித்து, பாதுகாத்து வைப்பதற்காகவும்  அவற்றை பரப்புவதற்காகவும் நிறுவப்பட்டது. மையத்தின் உதவி மூத்த வேளாண் ஆராய்ச்சி அதிகாரி சுமினி சம்பா கூறுகையில், மரபணு வங்கியில் தற்போது 6,000 உள்நாட்டு விதைகள் மற்றும் தாவர வகைகள் உள்ளன.  அவை -20 டிகிரி செல்சியஸ் வெப்பநிலையில் செயல்படும் சிறப்பு குளிர்சாதன பெட்டிகளில் சேமிக்கப்படுகின்றன.  அதே நேரத்தில் மையத்தைச் சுற்றி வெவ்வேறு தாவரங்கள் வளர்க்கப்படுகின்றன.

“இந்த விதைகள் மற்றும் தாவரங்கள் அனைத்தும் அவற்றை வளர்க்க விரும்பும் எவருக்கும் இலவசமாக வழங்கப்படுகின்றன” என்று சம்பா கூறினார். இருப்பினும்,  சராசரியாக, ஒரு மாதத்திற்கு நான்கு பேர்  மட்டுமே அவைகளை பெற வருகிறார்கள்,” என ஒரு  அதிகாரி தெரிவிக்கிறார்.

சாம்பியாவின் தலைநகர் லுசாகாவிலிருந்து கிழக்கே 50 கிமீ தொலைவில் உள்ள விவசாய மாவட்டமான சோங்வேயில் உள்ள எம்பெம்பா கிராமத்தைச் சேர்ந்த சிறு விவசாயி  சிக்வாங்கலா.  அவர் அறுவடைக்குப் பிறகு மக்காச்சோளம் போன்ற விதைகளை விவசாயிகள் அடுத்த நடவுப் பருவத்திற்கான தயாரிப்பில் சேமித்து வைக்கும் “நல்ல பழைய நாட்களை” நினைவு கூர்ந்தார். விவசாயிகள் மீது “திணிக்கப்படும்” கலப்பின விதைகள் விலை உயர்ந்தவை மட்டுமல்ல, சுற்றுச்சூழலுக்கும் தீங்கு விளைவிப்பதாக அவர் கூறுகிறார்.

“விதைகளை அதிக விலை கொடுத்து வாங்க வேண்டியிருப்பதால் விவசாயம் செய்வது மிகவும் கடினமாகவும் லாபமற்றதாகவும்  மாறிவிட்டது. இந்த விதைகள் எங்கள் மண்ணையும் அழித்துவிட்டன” என்று சிக்வாங்கலா கூறினார். பூர்வீக பயிர் வகைகளை ஊக்குவிக்கும் இலாப நோக்கற்ற இயற்கை வேளாண்மை மேம்பாட்டுத் திட்டத்தின் ஜாம்பியாவின் தலைமை நிர்வாக அதிகாரி பார்பரா ஹச்சிபுகா பண்டா கூறுகிறார்,

குடியரசுத் தலைவர் வேட்பாளராக திரௌபதி முர்மு அறிவிக்கப்பட்டது ஏன்? – பாஜக ஆடும் அரசியல் விளையாட்டு

“விதை ஒத்திசைவு முயற்சி நமது விவசாய நடைமுறைகளில் உள்ள பெரிய பன்முகத்தன்மையை கருத்தில் கொள்ளவில்லை. இந்தச் சட்டங்கள் ஒரே அளவான சட்டையை அனைவருக்கும் கொடுப்பது போல உள்ளன.  ஒவ்வொரு நாட்டிற்கும் ஒரு தனித்துவமான சூழ்நிலை மற்றும் நிலப்பரப்பு உள்ளது. கண்டத்தை ஒரே அலகாக ஆக்குவதன்  மூலம், பன்னாட்டு நிறுவனங்களை நன்றாக வர்த்தகம் செய்ய மட்டுமே நீங்கள் உதவுகிறீர்கள்,” என்கிறார் பண்டா.

“உள்நாட்டு விதைகளைக் கையாள்வதில் ஆர்வமுள்ளவர்களைத் தடுப்பது கிழக்கு மற்றும் தெற்கு ஆப்பிரிக்காவிற்கான பொதுச் சந்தை யின் நோக்கம் அல்ல. ஏற்றுமதி செய்ய விரும்புபவர்களுக்கு விதை கட்டுப்பாடு மற்றும் சான்றளிப்பு நிறுவனம் ( SCCI), ஜாம்பியாவின் விதை ஆணையம், கென்யா அல்லது ஜிம்பாப்வே போன்ற நாடுகளில் உள்ள பிற விதை நிறுவனங்கள் ஆகியவை மூலம் இணக்கமான அமைப்பை ஏற்படுத்த வேண்டும் என்பதே எங்கள்  நோக்கம்.

அவரைப் பொறுத்தவரை, இது உள்நாட்டு விதை அறிவைப் பாதிக்காது, இது ஜாம்பியா வேளாண்மை ஆராய்ச்சி நிறுவனத்தில் (ZARI)  உள்ள மரபணு வங்கியில் எப்போதும் இருக்கும் என்கிறார்.2021, நவம்பர் இல், கானாவில் உள்ள பல்வேறு விவசாயிகள் அமைப்புகள், 2020 இல் ஏற்றுக்கொள்ளப்பட்ட நாட்டின் தாவர வகைப் பாதுகாப்புச் சட்டத்திற்கு (சட்டம் 1050) எதிராக உச்ச நீதிமன்றத்தில் மேல்முறையீடு செய்தன. கானாவின் விவசாய விவசாயிகள் சங்கம், கானா உணவு இறையாண்மை (FSG) , உள்நாட்டு அறிவு மற்றும் நிறுவன மேம்பாட்டு மையம், இந்த சட்டம் பன்னாட்டு விதை நிறுவனங்களை வலுப்படுத்த வடிவமைக்கப்பட்டுள்ளது என்றும் இறுதியில் கானா விதை நிறுவனங்களுக்கு பாதகத்தை ஏற்படுத்தும் என்றும் கூறியது.

இந்தியாவில் காலநிலை அகதிகள் முதல் ஆஸ்திரேலியாவில் தஞ்சமடையும் இலங்கை அகதிகள் வரை – தமிழ்ப் பிரபாகரன்

கானாவின் நாடாளுமன்றம் ஒன்பது ஆண்டுகளுக்கு முன்பு இந்தச் சட்டத்தைப் பற்றி விவாதித்தது. ஆனால் சிவில் சமூகங்களின் எதிர்ப்பைத் தொடர்ந்து 2015 இல் கிடப்பில் போடப்பட்டது. 2021,நவம்பர் 11, அன்று நாட்டின் உச்சநீதிமன்றத்தில் தாக்கல் செய்யப்பட்ட வழக்கில், தாவர வகை பாதுகாப்புச் சட்டத்தின் அரசியலமைப்புச் சட்ட செல்லுபடித் தன்மையை எதிர்த்து கானா உணவு இறையாண்மை அமைப்பு வாதாடியது.

உச்ச நீதிமன்றத்தில் செய்த மேல்முறையீட்டில், புதிய சட்டம் உள்நாட்டு அறிவு மற்றும் சேமிப்பு, பயன்படுத்துதல், பெருக்குதல், விதைகளை பரிமாறுதல் அல்லது விற்பனை செய்தல் மற்றும் பிற பரப்புதல் ஆகியவற்றிற்கு ஆபத்தானது என்று கூறப்பட்டுள்ளது. “கானாவின் முறைசாரா விதை அமைப்பு மொத்த விதை சந்தையில் 85 விழுக்காட்டைக் கொண்டுள்ளது. எனவே, புதிய சட்டம் நீட்டிக்கப்பட்டால்,  அது அதிக எண்ணிக்கையிலான விவசாயிகளின் வாழ்வாதாரத்தைப் பாதிக்கும்,” என அதில் மனுதாரர் கூறியுள்ளார்.

www.thewire.in இணையதளத்தில் ரிச்சர்ட் மஹாபத்ரா எழுதியுள்ள கட்டுரையின் தமிழாக்கம்.

Kallakurichi Sakthi School ன் பண்ணையார் புத்தியும் மக்கள் கலவரமும் Milton Interview | Srimathi Issue

aran-logo

சுதந்திர ஊடகத்தை ஆதரிக்க

உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.

மற்ற சில பதிவுகள்