Aran Sei

கறுப்பினத்திற்காக கவலைபட்ட கிரிக்கெட் வீர்ர்கள் இந்திய இஸ்லாமியர்கள் தாக்கப்பட்டும்போது மௌனம் காப்பது ஏன்? – ஐ .ப்ரியான்ஷ்

ந்த ஆசனத்தை செய்வதற்கு முன்பு சிலநொடிகள் குழப்பம் நிலவியது. ‘நிர்வாகத்தால்’ இந்திய வீரர்களுக்கு இந்த முடிவு தெரிவிக்கப்பட்ட போது, ஒருவேளை அறிவுரைகள் தெளிவாக இல்லையோ? இருப்பினும்  ‘நிர்வாகம்’ இதற்காக கவலைப்படத் தேவையில்லை. கிரிக்கெட் விளையாட்டை விளையாடுவதற்காக இந்திய அணி வெளிப்படையாக களம் இறங்கியிருந்தாலும், வீரர்கள் தேர்ச்சி பெறத் தொடங்கும் மற்றொரு விளையாட்டில் ஈடுபடுவதற்கு அது போதுமான அளவு தயாராக இருந்தது.

விளையாட்டு உலகில் சாதாரணமாகிவிட்ட இனவெறிக்கு எதிரான  கிரிக்கெட் வீரர்கள் மண்டியிட்டபோது, அவர்கள் அரசியல் யோகாவில் எவ்வளவு திறமையானவர்கள் என்பதை மீண்டும் ஒருமுறை நமக்கு  நினைவவூட்டினர். பிளாக் லைவ்ஸ் மேட்டர் அல்லது வேறு ஏதேனும் இனவெறி எதிர்ப்பு ஆர்ப்பாட்டங்களில் அதிக ஆர்வம் காட்டாத நிலையில், உலகக் கோப்பைத்தான் அதைத் தொடங்குவதற்கான தருணம் என்று இந்திய அணி முடிவு செய்தது திகைப்பூட்டியது.

டெல்லியில் சாலை தடுப்புகளை அகற்றிய காவல்துறை – ‘நாங்கள்தான் சாலையைத் தடுத்தோம்’ என்கிற அவதூறு நீங்கியதாக விவசாயிகள் கருத்து

இந்திய கிரிக்கெட்டின் சொந்த பல்திறப்பட்ட வரலாற்றில் இனம் குறித்த பிரச்சினையாக இருந்தாலும் சரி,  அண்மை  ஆண்டுகளில் இந்திய குடிமக்களின் அடிப்படை உரிமைகளை மீறும் பிரச்சினையாக இருந்தாலும் சரி, அவர்களின் சொந்த மௌனத்தை கருத்தில் கொள்வது முக்கியமல்ல என்று தோன்றுகிறது. வசதி மற்றும் சுயநலன்களால் உந்தப்பட்டு, அதிகாரத்தில் இருக்கும் அரசாங்கத்தை நிலைநிறுத்த ஆர்வமுள்ள ஒரு குழுவின் இனவெறிக்கு எதிரான குறியீடா இது?

இப்போது அது பெரும்பாலான யோகிகளை வெட்கப்பட வைக்கும் ஒரு சிதைவு. ஒருவேளை மோடி ஆட்சியாளர்களின் யோகா மீதான காதலும்,  நிர்வாகத்தின் பிசிசிஐ உடனான நெருக்கமும் தங்கள் அரசியல் மாறுபாட்டை உயர்த்துவதற்காக கிரிக்கெட் வீரர்களின் உடல் ரீதியான வெளிப்பாட்டை விருப்பமான தேர்வாக முடிவு செய்திருக்கலாம்.

இந்த உடலை முறுக்கி வளைக்கும் வித்தை அருமை. இந்திய கிரிக்கெட், இனம் என்ற பேசுபொருளுடன் கொண்டிருக்கும் சிக்கலான உறவு குறித்து சிந்தனை செய்வோம்.

‘நச்சைக் கக்கும் தமிழ்நாட்டு அனல்மின் நிலையங்கள்’ – பூவுலகின் நண்பர்கள்

பல வழிகளிலும், இன பாகுபாடு  விளையாட்டு தன்மையையும், விழுமியத்தையும், காலனிய சித்தாந்தத்துடன் இணைத்து, அதனை மிக அழகாக நுழைத்து சி.எல்.ஆர். ஜேம்ஸ் என்பவரால் கிரிக்கெட்  கட்டப்பட்டது. இதனால்தான் கடந்த ஆண்டு மைக்கேல் ஹோல்டிங்கின் உணர்ச்சிகரமான அறிக்கை கிரிக்கெட் உலகம் முழுவதும் மிகவும் ஆழமாக எதிரொலித்தது.

ஆயினும்கூட, இந்திய கிரிக்கெட் இனவெறி நடவடிக்கைகள் அல்லது அறிக்கைகளின் வட்டத்தில் இருந்து விடுவிக்கப்படவில்லை. சுனில் கவாஸ்கர் தனது நினைவுக் குறிப்புகளான சன்னி டேஸில் எழுதுகையில், மேற்கிந்தியத் தீவுகளில் ஒரு விரோதமான சூழலை விவரிக்க இனவாத உந்துதல் கொண்ட மொழியில் சாய்ந்தார்.   “ஜமைக்காவில் கூட்டத்தை ‘கூட்டம்’ என்று அழைப்பது தவறு. அதை ‘கும்பல்’ என்றே சொல்ல வேண்டும். ஒவ்வொரு முறையும் ஹோல்டிங் பந்துவீசும்போது அவர்கள் கூவியதும், அலறியதும்  நேர்மறை பயங்கரமானது. ‘அவனைக் கொல்லு, மேன்!’ ‘அடி மேன்!’, ‘மைக், அவனுடைய தலையைத் தட்டு!’ என்று கூச்சலிட்டு அவரை ஊக்கப்படுத்தினர், இவையெல்லாம், இவர்கள் இன்னும் நாகரிக நாட்டில் வாழ்வதற்குப் பதிலாக புதர்களுக்கும், காடுகளுக்கும் சொந்தமானவர்கள் என்பதை சந்தேகத்திற்கு இடமின்றி நிரூபித்தது. அவர்கள் தங்கள் கால்களை அடித்து, கைதட்டி மகிழ்ச்சியுடன் குதித்தனர். கூட்டத்தின் நடத்தையை விவரிக்க நான் நினைக்கும் ஒரே வார்த்தை ‘காட்டுமிராண்டித்தனம்’”.கவாஸ்கரின் வார்த்தைகள் கடந்த காலத்தின் நினைவுச்சின்னம் மட்டுமல்ல. 2008 ஆம் ஆண்டு இந்திய கிரிக்கெட்டின் மோசமான மறுப்பு, சுழற்பந்து வீச்சாளர் ஹர்பஜன் சிங் ஆண்ட்ரூ சைமண்ட்ஸ் மீது இனவெறி வார்த்தைகளை கூறியிருக்கலாம் என்ற சாத்தியக்கூறுகளை கூட ஒப்புக்கொள்ள மறுத்தது, பிரச்சினையில் ஈடுபட வேண்டுமென்றே மறுத்ததை வெளிப்படுத்தியது.

சமத்துவத்திற்கான நீண்ட போராட்டமும் மறுக்கப்படும் அரசியல் உரிமைகளும் – மீனா கந்தசாமி

மும்பையில் உள்ள ரசிகர்கள் சில மாதங்களுக்கு முன்பு, அதே இழிவான சொல்லைப் பயன்படுத்தியதற்காக மைதானத்தில் இருந்து வெளியேற்றப்பட்டாலும்,. இப்பிரச்சினை இன்று வரை தீர்க்கப்படாமல் உள்ளது. மேற்கிந்தியத் தீவுகளின் முன்னாள் கேப்டன் டேரன் சமியின் சமீபத்திய குற்றச்சாட்டை ஒருவர் இப்போது கருத்தில் கொள்ளலாம், ஐபிஎல்லில் சன்ரைசர்ஸ் ஹைதராபாத் உரிமையாளர்களிடம், அணியிலுள்ள இந்திய வீரர்கள் இவருக்கு எதிராக இனவெறி புனைப்பெயரை மீண்டும் மீண்டும் பயன்படுத்தியதாக வெளிப்படுத்தினார். பழைய இன்ஸ்டாகிராம் பதிவு சமியின் குற்றச்சாட்டை உறுதிப்படுத்தியதால், இந்த முறை நம்பத்தகுந்த மறுப்பு எதுவும் இல்லை. சம்பந்தப்பட்ட கிரிக்கெட் வீரர்கள் எந்த தண்டனையையும் பெறவில்லை. இந்த இனவெறி வரலாற்றில் எந்த தீவிர ஈடுபாடும் இல்லாமல், பிளாக் லைவ்ஸ் மேட்டருக்கு ஆதரவாக இந்திய கிரிக்கெட் வீரர்கள் முட்டியிடுவது  வெற்றுத்தனமானது.

இந்திய சமூகத்தில் ஊடுருவியுள்ள இனவெறி மனப்பான்மையின் பிரதிபலிப்பின்  பற்றாக்குறையை மறைக்க உதவும் குறியீட்டுச் செயல்களை விரும்பும் இந்த புதிய யோகா ஆசனம், ஒரு செயலூக்கமான தலையசைப்பாகத் தோன்றுகிறது. இந்த நேரத்தில் பிரபலமானவற்றிற்காக வளைப்பதன் மூலம் இங்கே ஆன்மாவின் தூய்மை வெளிப்படையாக அடையப்படுகிறது. ஹர்திக் பாண்டியா ஒரு வருடத்திற்கு முன்பே இந்த ஆசனத்தை செய்திருப்பதால், இந்திய கிரிக்கெட் வீரர் ஒருவர் முழங்காலில் முட்டி இடுவது இது முதல் முறை அல்ல.இந்த இடைப்பட்ட ஆண்டுகளில் கூட,  இனவாதம் பற்றிய தீவிரமான பிரதிபலிப்பு எதுவும் வரவில்லை. எனவே, இதனால் என்ன பயன்? இந்த புத்தம் புதிய யோகாவை சர்வதேச அரங்கில் அணிவகுத்தது ஏன்?

நிலக்கரி பற்றாக்குறைக்கு யார் காரணம்? – தனியார் முதலாளிகளா? அரசா?

பெரும்பாலும், இந்திய கிரிக்கெட் வீரர்கள் அரசியலில் ஈடுபடுவதில்லை என்ற வாதத்தை நாம் அடிக்கடி கேட்கிறோம், ஏனெனில் அவர்கள் தங்கள் மனதில் பட்டதைச் சொன்னால் அவர்கள் எதிர்கொள்ளும் பின்னடைவு குறித்து எச்சரிக்கையாக இருக்கிறார்கள். விராட் கோலியிடம் குடியுரிமை திருத்தச் சட்டம் குறித்த கேள்வி எழுப்பப்பட்டபோது கிரிக்கெட் வீரர்கள் அரசியல் பிரச்சினையில் தங்கள் கருத்தைப் பகிர்ந்து கொள்ள மறுத்த சந்தர்ப்பங்கள் நமக்கு உண்டு.இருப்பினும், இந்த விஷயத்தில் அறியாமையை மேற்கோள் காட்டுவது எப்போதும் தேர்ந்தெடுக்கப்பட்ட பதில் அல்ல. நடந்து வரும் விவசாயிகளின் போராட்டம் குறித்து கேப்டன் கோஹ்லி கூறுகையில், விவாதம் எப்படி நடந்தது என்பதை வெளிப்படுத்தாமல், அன்றைய அரசியல் விஷயங்களை உள்நாட்டில் விவாதிக்க அணி முனைகிறது என்பதை வெளிப்படுத்தினார்.

இருட்டில் விடப்படுவதைப் பற்றி நாம் கவலைப்பட வேண்டியதில்லை. இந்திய கிரிக்கெட் வீரர்கள் அரசியல் விஷயங்களைப் பற்றி பேச ஆர்வமாக உள்ளனர், மேலும், அவர்கள் தங்கள் கருத்துக்களைப் பகிரங்கமாகச் சொல்கிறார்கள். ஞாயிற்றுக்கிழமை முழங்காலில் முட்டி இடுவதை அரசியல் ஆடுகளத்தில் ஒரு அரிய உல்லாசப் பயணமாகப் பார்ப்பதற்குப் பதிலாக, ஆண்கள் கிரிக்கெட் அணியின் உறுப்பினர்கள் தங்கள் அரசியல் நிலைப்பாடுகளை ஏன் அடிக்கடி வலியுறுத்துகிறார்கள் என்பதை நாம் கவனிக்க வேண்டும். இந்த ஆண்டு முழுவதும், கடந்த கால மற்றும் தற்போதைய இந்திய கிரிக்கெட் வீரர்கள் தங்கள் உயர்சாதி அந்தஸ்தை பகிரங்கமாக கொண்டாடுவதும், சாதிய அவதூறுகளைப் பயன்படுத்துவதும் கண்டறியப்பட்டுள்ளது. கிரிக்கெட் வீரர்கள்,  ரவீந்திர ஜடேஜா, சுரேஷ் ரெய்னா, யுவராஜ் சிங், ஆர்.அஷ்வின் ஆகியோர் தங்கள் அறிக்கைகள் எதிர்கொண்ட  விமர்சனங்களைப்  பற்றி சிறிதும் கவலைப்படவில்லை. இதில் யுவராஜ் சிங் மட்டும் தனது கருத்துக்களுக்காக சிறிது காலத்திற்கு கைது செய்யப்பட்டார்.

காந்தியின் ஆலோசனையின்படி தான் சாவர்க்கர் கருணை மனு போட்டாரா? – உண்மை என்ன?

விராட் கோலி, அஜிங்க்யா ரஹானே மற்றும் பலர் தங்கள் சாதியச் சார்புகளை வெளிப்படுத்துவதோடு, விவசாயச் சட்டங்களுக்கான ஆட்சியின் ஜனநாயகமற்ற உந்துதலைக் கேள்விக்குட்படுத்தும் அக்கறையுள்ள குடிமக்கள் மற்றும் வெளிநாடுகளில் உள்ள புகழ்பெற்ற நபர்களின் விமர்சனங்களை எதிர்கொள்ளும் ஒரு திட்டமிடப்பட்ட முயற்சியில் மோடி அரசாங்கத்திற்காக மகிழ்ச்சியுடன் ட்விட்டர் பதிவை வெளியிட்டுள்ளனர். இவை 2021 இல் நடந்தவற்றில் இரண்டு நிகழ்வுகள் மட்டுமே. ஆனால் சமீபத்திய ஆண்டுகளில் பணமதிப்பிழப்பு மற்றும் குடியுரிமை திருத்தச் சட்டம் போன்ற பிரச்சனைகளில் கடந்த கால மற்றும் தற்போதைய வீரர்கள் சிலர்  தங்கள் கருத்தை வெளிப்படுத்தியுள்ளனர்.எனவே, MPL மற்றும் Byju’s நிதிஅளிக்கப்பட்ட நீல நிற ஜெர்சியை அணியும் யோகிகளின் தொகுப்பைக் காண்கிறோம். இது அவர்களின் ஆடை மட்டுமல்ல, இந்த யோகிகள் நம்பமுடியாத திறமை மற்றும் சுறுசுறுப்பு ஆகியவற்றைக் காட்டுகிறார்கள்.

மோடி அரசாங்கத்திற்கு  இனவெறி எதிர்ப்பு, சாதிப் பெருமிதம், நவதாராளவாதச் சட்டங்கள், மனநலம் ஆகியவற்றுக்கு வக்காலத்து வாங்கும் விதத்தில்…அரசியல் நிலைப்பாடுகளின் இந்த குரூர  தொகுப்பை  வெளிப்படுத்தவே  இந்திய ஆண் கிரிக்கெட் வீரர்கள் இந்த  பல்வேறு ஆசனங்களில் தேர்ச்சிப் பெற்றிக்கிறார்கள். பாஜக நிர்வாகத்தால் உள்நாட்டு விளையாட்டாக அணிசேர்க்கப்பட்டுள்ள  யோகாவின் இந்த நாகரீகமான உருமாறியைப் போலவே, கிரிக்கெட் வீரர்களின் அரசியல் ஆசனங்களும் அடக்குமுறை அரசியலுக்கு  வெற்று ஈடுபாட்டைக் காட்டுகின்றன.

‘காட்டுயிர் பாதுகாப்பில் அலட்சியம் காட்டும் ஒன்றிய அரசு’ – சதீஷ் லெட்சுமணன்

கிரிக்கெட் வீரர்கள் தங்கள் திரிக்கப்பட்ட உலகில் பாதுகாப்பாக இருக்க முடியும் என்பதை உறுதி செய்வதற்காக கோல் கம்பங்களை சுயநலத்துடன் நகர்த்துவதன் மூலம் இது வகைப்படுத்தப்படுகிறது. கிரிக்கெட் வீரர்களாக தங்கள் நேரம் முடிந்துவிட்டால், ஒருவேளை ஒரு யோகியாகவோ அல்லது சீருடற்பயிற்சியாளராகவோ வாழ்வது சாத்தியமாக இருக்கும் என்று நம்ப வைக்கும் விதமான சிதைவுகளை அவர்கள் உயிர்ப்பிக்கிறார்கள்.

பாகிஸ்தானிடம் ஞாயிற்றுக்கிழமை தோல்வியடைந்ததைத் தொடர்ந்து, இந்திய கிரிக்கெட் வீரரின் விருப்பமான நகர்வுகளில் ஒன்றாக இருக்கும் மற்றொரு ஆசனத்தைப் பற்றி அறிந்தோம். முகமது ஷமி மீது சமூக ஊடகங்களில் அவதூறாக வெளியிடப்பட்ட செய்திகள் பரவியதால், கடந்த கால மற்றும் தற்போதைய நட்சத்திரங்கள், கையில் உள்ள பிரச்சினைகளில் கண்களை மூடிக் கொண்டு,  அதே வேளையில், ஷமிக்கு ஆதரவான ட்வீட்களை வெளியிடுவது அவர்களுடைய  தந்திரத்தை வெளிப்படுத்துகிறது.  இந்திய வேகப்பந்து வீச்சாளரை  ஆதரிப்பவர்களிடையே உள்ள பொதுவான கருப்பொருள் முகமது ஷமியின் கடந்தகால சாதனைகளை கொண்டாடுகிறார்கள் என்பது.  அதில்,  ஒரு போட்டியின் செயல்பாடு மட்டுமே ஒரு வேகப்பந்து வீச்சாளரை வரையறுக்காது என்று லக்ஷ்மண் வாதிடுகிறார். அவ்வாறெனில் பத்து மோசமான செயல்பாடுகள் அவதூறை நியாயப்படுத்துமா என்று ஒருவர் ஆச்சரியப்படுவதில் நியாயம் உள்ளது.

கையில் இருந்த விஷயம், நிச்சயமாக, ஷமியின் செயல்திறன் அல்ல. ஒட்டுமொத்த அணியின் தோல்விக்கு ஷமி ஏன் பலிகடா ஆனார் என்பதை வெளிப்படுத்த ஷமியை ஆதரிக்கும் அனைத்து ட்வீட்களும் மறுத்துவிட்டன. விளையாடும் பதினொறு வீரர்களில் ஒரே இஸ்லாமிய கிரிக்கெட் வீரராக இருப்பதால் அவர் அவதூறுக்கு இலக்காக்கப்பட்டுள்ளார். அத்துடன் சமூக ஊடகங்களில் இந்திய முஸ்லிம்களை நோக்கி புனைகதைகள் திருப்பிவிடப்பட்டுள்ளன. ஷமி குறிவைக்கப்பட்டதற்கு அவர் ஒரு இஸ்லாமியர், நேர்மையானவர் மற்றும் எளிமையானவர் என்பதே காரணம்.

மனநல உடற்பயிற்சியாளர்களுக்கும், அரசியல் யோகிகளுக்கும் இதைச் செய்வது மிகவும் எளிதாக இருந்திருக்கும். ஆனால் இந்திய கிரிக்கெட் வீரர்கள் அவ்வாறு கூற மாட்டார்கள். வகுப்புவாத சார்புடைய குற்றச்சாட்டின் கீழ் உத்தரகாண்டின் பயிற்சியாளர்  பதவியிலிருந்து வெளியேற்றப்பட்டபோது, அனில் கும்ப்ளேவின் ஆதரவை மட்டுமே பெற்ற வாசிம் ஜாஃபர் போலல்லாமல், குறைந்தபட்சம் ஷமி பரந்த ஆதரவைப் பெறும் அளவு நல்வாய்ப்புப்  பெற்றவர்  இல்லை என்று எண்ணலாம். ஆனால் இதுவும் யோகிகள் தம்மை நீட்டித்துக் கொள்ளும் அளவிற்கு மட்டுமே சாத்தியம்.

‘சுற்றுச்சூழல் பாதுகாப்பை கேள்விக்குறியாக்கிய மாசுக் கட்டுப்பாடு வாரிய உத்தரவு’ – பூவுலகின் நண்பர்கள்

இந்தியாவில் இஸ்லாமியர்கள் எதிர்கொள்ளும் அவதூறுகள், வன்முறைகள் மற்றும் அவர்களுக்கு ஊதியம் கொடுப்பவர்களுக்கு  இடையூறு விளைவிக்கும் பிற பிரச்சினைகள் குறித்து வேண்டுமென்றே மௌனம் சாதிப்பது இந்த விபரீத அரசியல் யோகாவின் இறுதிப் பகுதி. இனவெறி அறிக்கைகள் மீதும், கண்முன் நிகழும் பாகுபாட்டை நீர்த்துப்போகச் செய்யும் கவனமாக நீக்குதல்களையும், தட்டிக் கழிப்புகளையும் குறித்தும்,  தீவிர கவனம் செலுத்தாமல், ஆறுதல் வார்த்தைகள் மிகவும் தேவைப்படும்போது, அமைதியாக இருந்துக்  கொண்டு,  இனம் போன்ற விடயங்களைப் பற்றி பேசுவது தற்போதைய இந்திய அணியின் அரசியல் அறிக்கையை வரையறுக்கிறது. .

இந்த ஆண்டின் இந்தியன் பிரீமியர் லீக்கின் போது, ​​கோவிட்-19 இன்  இரண்டாவது அலை காரணமாக சர்வதேச கிரிக்கெட் வீரர்கள் திகிலைத் தூண்டும் விவகாரங்களைப் பற்றிப் பேசியபோது, ​​இந்திய கிரிக்கெட் வீரர்களின் மரண மௌனம் சத்தமாகப் பேசியது. வீரர்கள் தங்கள் பணக்கார உரிமையாளர்களுடனான ஒப்பந்தத்தை இழக்காமல் இருக்க, அவர்கள் பேச முடியாது என்று பரிந்துரைக்கப்பட்டது.இந்திய கிரிக்கெட் அணியின் உறுப்பினர்களை அரசியலில் ஈடுபடுத்துவது வீண் என்று நினைத்து நாம் மெத்தனமாக இருக்கக் கூடாது.

ஏர் இந்தியா – வரலாறும் செயல்பாடுகளும்

ஒருவேளை இது உண்மை எனில், இந்திய கிரிக்கெட் வீரர்கள் அரசியலில் ஈடுபடுவதில்லை,  ஏனெனில் அவர்கள் பின்னடைவு குறித்து எச்சரிக்கையாக இருக்கிறார்கள் என்று நம்புவது நம்மை தவறாக வழிநடத்தக்கூடாது. சாதிப் பெருமிதம், மோடி அரசின் கேடுகெட்டக் கொள்கைகளை ஆதரிப்பது, மத நம்பிக்கையின் காரணமாக சக தோழரை இலக்கு வைத்து விமர்சிப்பது ஆகியவையும் கூட அவர்களுடைய அரசியல் யோகாவை செய்வதற்கு வெகு தூரத்தில் இல்லை.

இந்திய கிரிக்கெட் அணி உறுப்பினர்களை அரசியலில்  ஈடுபடுத்துவது வீணானது என்று நம் மனநிறைவு அடைந்துவிடக் கூடாது. அவர்கள் தங்கள் முட்டியை காட்டியதால் அவர்களுடைய நிலையை முழுமையாக கணிக்க முடியும் என்றும் எண்ணிவிட கூடாது. அரசியல் கேள்விகளை முன்வைப்பதன் மூலம், வீரர்கள் தங்கள் சமீபத்திய குழப்பத்தில் எங்கே, எப்படி விழுகிறார்கள் என்பதை நாம் அறிந்துகொள்ளலாம்.

 

www,thewire .in இணைய தளத்தில் வெளியான கட்டுரையின் தமிழாக்கம்

ஐ .ப்ரியான்ஷ், ஊடகவியலாளர்

 

சுதந்திர ஊடகத்தை ஆதரிக்க

உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.

மற்ற சில பதிவுகள்