Aran Sei

வாக்கு எண்ணும் மையங்களில் வாக்கு எண்ணிக்கை நடக்கும் வழிமுறைகள் – வெற்றி சான்றிதழ் யாருக்கு?

வாக்கு எண்ணிக்கை தொடங்குவதற்கான அனைத்து ஏற்பாடுகளும் காலை 8 மணிக்கே தயார் நிலையில் உள்ளது. முதற்கட்டமாக காலை 8 மணிக்கு தபால் வாக்கு எண்ணபடுகின்றன .அதைதொடர்ந்து காலை 8.30 மணிக்கு, தேர்தல் அதிகாரி மற்றும் வேட்பாளர்கள் முன்னிலையில், வாக்கு இயந்திரத்தில் பதிவான வாக்குகள் எண்ணிக்கை தொடங்கும்.

தமிழகத் தேர்தல் – தபால் வாக்கு எண்ணிக்கை: திமுக முன்னிலை

ஒவ்வொரு வாக்கு எண்ணிக்கை மையத்திலும் 14 மேஜைகள் போடப்பட்டு, அதில் தனித்தனி அதிகாரிகள் அமர்ந்திருப்பார்கள். வாக்கு எண்ணிக்கையை கண்காணிப்பதற்காக, ஒவ்வொரு மேஜையிலும் கண்காணிப்பு கேமரா பொருத்தப்பட்டிருக்கும். ஓரு கட்சிக்கு தலா ஒரு முகவர் மற்றும் தலைமை முகவர் என, ஒரு வேட்பாளருக்கு 15 முகவர்கள் வாக்கு எண்ணும் மையத்தில் இடம்பெறுவார்கள்.

வாக்குப்பதிவு இயந்திரங்கள் வைக்கப்பட்டிருக்கும் பெட்டியில் வைக்கப்பட்ட சீல், சரியாக உள்ளதா மற்றும் வாக்குப்பதிவு தினத்தன்று பதிவான வாக்குகளும் , வாக்கு எண்ணிக்கை தினத்தன்று எண்ணப்படும் வாக்குகளும் ஒரே எண்ணிக்கையில் இருக்கிறதா என்பதும் உறுதி செய்யப்படும். மொத்தமாக வாக்குப்பதிவு இயந்திரங்களில் பதிவான வாக்குகள் சுற்றுகளின் அடிப்படையில்எண்ணப்படும்.

மக்கள் யார் பக்கம் – தொடங்கியது தமிழக சட்டபேரவை வாக்கு எண்ணிக்கை

வாக்கு எண்ணிக்கையானது,   15 முதல் 30 சுற்றுகள் வரை நடைபெற வாய்ப்புகள் உண்டு. ஒவ்வொரு சுற்றின் முடிவிலும், முடிவுகள் வெளியிடும் முன்பாக, அரசியல் கட்சிகளை சார்ந்த முகவர்களின் கையொப்பம் பெறப்படும். பின்னர் ஒவ்வொரு சுற்றுகளின் முடிவுகளும் வாக்கு எண்ணிக்கை நடைபெறும் மையத்திலுள்ள அறிவிப்பு பலகையிலும், தேர்தல் ஆணையத்தின் இணையதளத்திலும் பதிவேற்றம் செய்யப்படும்.

அசாமில் வாக்கு எண்ணிக்கையை வீடியோ பதிவு செய்ய வேண்டும் – தேர்தல் ஆணையத்திடம் அன்சாலிக் கங்கா மோர்ச்சா கோரிக்கை

வாக்கு எண்ணிக்கை முடிந்த பின்பு அந்த தொகுதியில் பெருவாரியான வாக்குகள் பெற்று வெற்றி பெறும் வேட்பாளருக்கான சான்றிதழை தேர்தல் நடத்தும் அதிகாரி வேட்பாளர் அல்லது அவரது தலைமை முகவரிடம் வழங்குவார்.

கொரோனா நெறிமுறைகளைப் பின்பற்றி மேற்கு வங்கம், தமிழ்நாடு, அசாம், கேரளா மற்றும் புதுச்சேரி 2,364 எண்ணும் அரங்குகளில் நடைபெறும் என தேர்தல் ஆணையம் அறிவித்துள்ளது குறிப்பிடத்தக்கது.
source; puthiyathalaimurai

சுதந்திர ஊடகத்தை ஆதரிக்க

உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.

மற்ற சில பதிவுகள்