Aran Sei

பிரதமர் மோடி மற்றும் குஜராத் கலவரம் குறித்த பிபிசி ஆவணப்படத்தை குடியரசு தினத்தன்று கேரளாவில் வெளியிட பல்வேறு அரசியல் கட்சிகள் முடிவு – பாஜக கடும் எதிர்ப்பு

பிபிசி தயாரி்த்துள்ள பிரதமர் மோடி குறித்த ஆவணப்படத்தை திரையிட கேரளாவில் பல்வேறு அரசியல் கட்சிகள் தயாராகி வருகின்றன. இந்த விவகாரத்தில் உடனடியாக முதலமைச்சர் பினராயி விஜயன் தலையிட்டு நிறுத்தவேண்டும் என்று பாஜக கோரிக்கை விடுத்துள்ளது.

கடந்த 2002ம் ஆண்டு குஜராத்தில் முதல்வராக நரேந்திர மோடி இருந்தபோது, கோத்ரா ரயில் எரிப்பு சம்பவமும், அதைத் தொடர்ந்து பெரிய அளவிலான கலவரமும் ஏற்பட்டது. இந்த கலவரத்தில் இஸ்லாமியர்கள் ஏராளமானோர் கொல்லப்பட்டது குறித்து பிபிசி சேனல், “India:The Modi Question” என்ற ஆவணப்படத்தை தயாரித்துள்ளது. இந்த ஆவணப்படத்தை இந்தியாவில் வெளியிட ஒன்றிய அரசு தடை விதித்துள்ளது. ட்விட்டர், இன்ஸ்டாகிராம், யூடியூப் என எந்த சமூக வலைத்தளத்திலும் இந்த ஆவணப்படத்துக்கான இணைப்புகளைப் பதிவிடக்கூடாது என்று ஒன்றிய அரசு தடை விதித்துள்ளது.

‘இந்தியா: மோடிக்கான கேள்விகள்’ என்ற குஜராத் கலவரம் குறித்த பிபிசி ஆவணப்படம்: ஒன்றிய அரசின் கடும் எதிர்ப்பால் அந்த ஆவணப்படத்தை நீக்கிய யூடியூப்

ஆனால், ஒன்றிய அரசின் எதிர்ப்பை மீறி தெலங்கானாவில் உள்ள ஹைதராபாத் பல்கலைக்கழக மாணவர்கள் இந்த ஆவணப்படத்தை பார்த்துவிட்டனர். அடுத்ததாக கேரளாவை ஆளும் மார்க்சிஸ்ட் கம்யூனிஸ்ட் கட்சியின் இளைஞர் அமைப்பான இந்திய ஜனநாயக வாலிபர் சங்கமும் பிபிசி ஆவணப்படத்தை திரையிடத் தயாராகி வருகிறது. இது தொடர்பான அறிவிப்பையும் தனது பேஸ்புக் பக்கத்தில் வெளியிட்டுள்ளது.

இதேபோல எஸ்எப்ஐ அமைப்பும், காங்கிரஸ் கட்சியின் இளைஞர் அமைப்பும், மோடியின் ஆவணப்படத்தை கேரளாவில் திரையிடுவோம் என்று அறிவித்து களமிறங்கியுள்ளன. கேரள காங்கிரஸ் கட்சி கூறுகையில் வரும் குடியரசு தினத்தன்று மாவட்டத்தின் தலைநகரில் பிபிசி எடுத்த பிரதமர் மோடி குறித்த ஆவணப்படம் திரையிடப்படும் என்று அறிவித்துள்ளது.

கேரளாவில் அரசியல் கட்சிகளின் இந்த செயல்பாட்டுக்கு பாஜக கடும் கண்டனம் தெரிவித்துள்ளது. பாஜக மாநிலத் தலைவர் கே. சுரேந்திரன் கூறுகையில் “பிபிசி ஆவணப்படத்தை கேரளாவில் திரையிடும் விவகாரத்தில் உடனடியாக முதலமைச்சர் பினராயி விஜயன் தலையிட்டு நிறுத்த வேண்டும்.

பசுவதையை நிறுத்தினால் உலகத்தில் உள்ள அனைத்து பிரச்சினைகளும் தீர்ந்துவிடும்: குஜராத் நீதிமன்றம் கருத்து

இதுபோன்ற செயல்கள் தேசத்துரோகமானது. நாட்டின் ஒற்றுமை மற்றும் இறையாண்மையைக் குலைக்க அந்நிய சக்திகளுக்கு நாம் அனுமதி கொடுப்பது போன்றாகும். 20 ஆண்டுகளுக்கு முன் நடந்த துரதிர்ஷ்டவசமான நிகழ்வுகளை மீண்டும் நினைவுபடுத்துவது மதரிதீயான பதற்றத்தை தூண்டிவிடும்” எனத் தெரிவித்துள்ளார்.

ஒன்றிய அரசின் அமைச்சர் வி. முரளிதரனும், முதலமைச்சர் பினராயி விஜயனுக்கு வேண்டுகோள் விடுத்துள்ளார். அதில் “பிபிசி தயாரித்த பிரதமர் மோடியின் ஆவணப்படத்தைத் திரையிட அனுமதி வழங்கக் கூடாது, உடனடியாக இந்த விவகாரத்தில் முதல்வர் தலையிட வேண்டும்” என தெரிவித்துள்ளார்.

Source : NDTV

Bigg boss 6 | Vikraman defeat is unfair | Azeem victory is unacceptable | Villavan ramadas | VCK

aran-logo

சுதந்திர ஊடகத்தை ஆதரிக்க

உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.

மற்ற சில பதிவுகள்