Aran Sei

‘இந்துக்கள் இல்லாமல் இந்தியா இல்லை’ – ஆர்எஸ்எஸ் தலைவர் மோகன் பகவத்

ந்துக்கள் இல்லாமல் இந்தியா இல்லை, இந்தியா இல்லாமல் இந்துக்கள் இல்லை என்று ஆர்எஸ்எஸ் அமைப்பின் தலைவர் மோகன் பாகவத் தெரிவித்துள்ளார்.

மத்தியப்பிரதேச மாநிலம் குவாலியரில் நேற்று நடந்த ஒரு நிகழ்ச்சியில் ஆர்எஸ்எஸ் தலைவர் மோகன் பாகவத் பங்கேற்று பேசியுள்ளார். அப்போது, இந்துக்கள் இல்லாமல் இந்தியா கிடையாது, இந்தியா இல்லாமல் இந்துக்களும் இல்லை. இந்தியாவையும், இந்துக்களையும் பிரிக்க முடியாது. இந்தியா சுயமாக நிற்கிறது. இதுதான் இந்துத்துவாவின் சாரம்ஸம். இந்தக் காரணத்துக்காகத்தான் இந்தியா இந்துக்களின் தேசமாக இருக்கிறது.

சுதந்திரத்தின்போது நடந்த தேசப்பிரிவினைக்குப் பின், இந்தியா உடைந்து, பாகிஸ்தான் என்ற நாடு உருவானது. இந்தியா தேசப்பிரிவினையின்போது பாதிக்கப்பட்டதை மறந்துவிடக் கூடாது. இந்தப் பிரிவினை நடக்காமல் இருந்தால் இந்த வலிபோயிருக்கும்.

நாம் இந்துக்கள் என்ற சிந்தனையை மறந்ததால்தான் இந்த தேசப்பிரிவினை நடந்தது. இஸ்லாமியர்கள்கூட இதை மறந்துவிட்டார்கள். இந்துக்கள் என்று தங்களை நினைக்ககூடியவர்களின் வலிமை முதலில் குறைந்துவிட்டது, பிறகு எண்ணிக்கை குறைந்துவிட்டது. இந்துக்களின் எண்ணிக்கை குறைந்துவருகிறது. அதனால்தான், இதனால்தான் பாகிஸ்தான் இந்தியாவாக இல்லை.

இந்துக்களின் எண்ணிக்கையும், வலிமையும், பலமும் குறைந்துவருவதைப் பார்க்கலாம் அல்லது இந்து என்ற உணர்வு குறைந்துவருவதைப் பார்க்கலாம். இந்துக்கள் தங்களை இந்துவாக இருக்க வேண்டுமென்றால், பாரதம் அகண்டபாரதமாக இருக்க வேண்டும் என்று ஆர்எஸ்எஸ் அமைப்பின் தலைவர் மோகன் பாகவத் கூறியுள்ளார்.

 

aran-logo

சுதந்திர ஊடகத்தை ஆதரிக்க

உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.

மற்ற சில பதிவுகள்