Aran Sei

ஸ்டேட் வங்கி இடஒதுக்கீடு விவகாரத்தில் முழு ஆய்வு வேண்டும் – சு.வெங்கடேசன்

கிளார்க் நியமனங்களில் ஓ.பி.சி, எஸ்.சி, எஸ்.டி இட ஒதுக்கீடு விவகாரத்தில், ஸ்டேட் வங்கியின் விளக்கம் திருப்தி அளிக்கவில்லை என்பதால் முழு ஆய்வு வேண்டும் என்று மதுரை நாடாளுமன்ற உறுப்பினர் சு.வெங்கடேசன் கடிதம் எழுதியுள்ளார்.

மேலும், அது வரை பணி நியமனத் தேர்வுகளை அடுத்த கட்டத்திற்கு நகர்த்தக் கூடாது என்று மத்திய நிதி இணை அமைச்சர், மத்திய சமூக நீதி மற்றும் அதிகாரம் அளித்தல் அமைச்சர், பாரத ஸ்டேட் வங்கி தலைவர் ஆகியோர்க்கு எழுதிய கடிதத்தில் கோரியுள்ளார்.

வங்கிப் பணித் தேர்வில் இட ஒதுக்கீடு கடைப்பிடிக்கப்படுகிறதா? – சு.வெங்கடேசன் கேள்வி

இந்த விவகாரம் குறித்து, மத்திய நிதி இணை அமைச்சர், மத்திய சமூக நீதி மற்றும் அதிகாரம் அளித்தல் அமைச்சர் ஆகியோருக்கு, கடந்த அக்டோபர் 22 ஆம் தேதி, சு.வெங்கடேசன் கடிதம் எழுதியதையொட்டி மத்திய சமூக நீதி மற்றும் அதிகாரம் அளித்தல் அமைச்சர் தால்வார் சந்த் கெலாட் நிதியமைச்சகத்திற்கு கடிதம் ஒன்றை அனுப்பி இருந்தார்.

இதையடுத்து, மத்திய நிதி இணை அமைச்சர் அனுராக் சிங் தாகூர், அதை ஸ்டேட் வங்கி தலைவருக்கு அனுப்பி சு. வெங்கடேசனுக்கு பதில் அளிக்குமாறு அறிவுறுத்தி இருந்தார். ஸ்டேட் வங்கியின் தலைமைப் பொது மேலாளர் (ஊழியர் உறவு) அதற்கு பதில் எழுதி இருந்தார்.  அதில்,” ஸ்டேட் வங்கி கிளார்க் தேர்வு, தொடக்க நிலை மற்றும் இறுதி தேர்வு என இரண்டு கட்டமாக நடைபெறும். தொடக்க நிலை தேர்வில் குறைந்த பட்ச தகுதி மதிப்பெண்கள் கிடையாது. மதிப்பெண்கள் அடிப்படையில் ஒவ்வொரு பிரிவிலும் உள்ள காலியிடங்களை பொருத்து 10 மடங்கு போட்டியாளர்கள் இறுதித் தேர்வுக்கு அனுப்பப் படுவார்கள்.”  என்று அந்தப் பதிலில் உள்ளதாக சு.வெங்கடேசன் சுட்டிக்காட்டியுள்ளார்.

இட ஒதுக்கீடு விவகாரம் – பதிலளிக்க ஸ்டேட் வங்கிக்கு நிதியமைச்சகம் அறிவுறுத்தல்

அதனடிப்படையில் பொதுக் காலியிடங்கள் 171  க்கு 1713 பேரும் (கட் ஆப் – 62), ஓ. பி.சி  காலியிடங்கள் 106  க்கு 9592 பேரும் (கட் ஆப் – 62), எஸ்.சி  காலியிடங்கள் 74  க்கு 1590 பேரும் (கட் ஆப் – 62) இறுதித் தேர்வுக்காகத் தகுதி பெற்றுள்ளதாகப் பட்டியல் இட்டுள்ளதாக ஸ்டேட் வங்கியின் தலைமைப் பொது மேலாளர் தெரிவித்துள்ளார்.

மேலும் அவர், ஓ.பி.சி, எஸ்.சி பிரிவுகளில் நிறைய பேர் அந்த கட் ஆப் மதிப்பெண்களை பெற்றுள்ளதால் 10 மடங்கிற்கும் அதிகமாக, முறையே 90 மடங்குகளும், 21 மடங்குகளும் பட்டியலில் இடம் பெற்றுள்ளதாகவும் ஆகவே இட ஒதுக்கீடு சரியாக அமல்படுத்தப் பட்டுள்ளதாகத் தெரிவித்துள்ளார்.

எஸ்சி, எஸ்டி, ஓபிசி இட ஒதுக்கீடு குறைப்பு – திருமாவளவன் கடும் கண்டனம்

இது குறித்து சு.வெங்கடேசன், மத்திய நிதி இணை அமைச்சர், மத்திய சமூக நீதி மற்றும் அதிகாரம் அளித்தல் அமைச்சர், பாரத ஸ்டேட் வங்கி தலைவர் ஆகியோர்க்கு எழுதியுள்ள கடிதத்தில், “எனது கடிதத்தில் எழுப்பி இருந்த ‘கேள்வி எண் 5:  எத்தனை ஓ. பி சி, எஸ்.சி, எஸ்.டி, இ.டபிள்யு.எஸ் பிரிவினர் தற்போது வெளியிடப்பட்டுள்ள பொதுப் பட்டியலில் இடம் பெற்றிருக்கிறார்கள்’ என்பதற்கு பதில் இல்லை. இது மிக முக்கியமான கேள்வியாகும்.” என்று மேற்க்கோள் காட்டியுள்ளார்.

“ஸ்டேட் வங்கி தந்துள்ள பதில் இட ஒதுக்கீட்டு கோட்பாடு இப்பட்டியல் தயாரிக்கப்படுவதில் முறையாகக் கடைப் பிடிக்கப்படவில்லை என்ற எண்ணத்தை உருவாக்குகிறது.” என்று குறிப்பிட்டுள்ளார்.

`இதுதாய்யா மநு நீதி’- இட ஒதுக்கீடு பிரச்சனையில் வலுக்கும் கண்டனங்கள்

மேலும், “பொதுப் பட்டியல் தயாரிக்கப்படும் போது எல்லாப் பிரிவு போட்டியாளர்களும்  கணக்கில் கொள்ளப்பட்டு அதிக மதிப்பெண்கள் வரிசையில் அவர்களை அப்பட்டியலில் இடம் பெற செய்ய வேண்டும். பின்னர் ஒதுக்கீட்டு ப் பிரிவினர்க்கான பட்டியல்கள் தயாரிக்கப்பட வேண்டும். “பொது” என்பதையே ஓ.பி.சி, எஸ்.சி, எஸ்.டி போன்று தனித் தொகுப்பாக அணுகுவது தவறு. இது பொதுப் பட்டியலிலும் இடம் பெறும் உரிமையை ஓ. பி.சி, எஸ்.சி, எஸ்.டி பிரிவினர் இடமிருந்து தட்டிப் பறிப்பது ஆகும்.” என்று தெரிவித்துள்ளார்.

“ஸ்டேட் வங்கியின் பதில் கடிதத்திலேயே ஓ. பி.சி, எஸ்.சி, எஸ்.டி பிரிவினர்க்கு மதிப்பெண் சலுகை இறுதி தேர்வில்தான் வழங்கப்படும் என்று கூறப்பட்டுள்ளது. ஆகவே இந்தத் துவக்க நிலைத் தேர்வில் அந்தச் சலுகை வழங்கப்படவில்லை என்பது தெளிவாகிறது.” என்று சு.வெங்கடேசன் கூறியுள்ளார்.

மத்திய பல்கலைக்கழகங்களில் ஓபிசி, எஸ்சி, எஸ்டி பிரிவினர் புறக்கணிப்பு – ஆர்டிஐ தகவலில் அம்பலம் – நவநீத கண்ணன்

“இப்படிப்பட்ட நிலையில் பொது, ஓ.பி.சி, எஸ்.சி பிரிவினர்க்கு ஒரே கட் ஆப் மதிப்பெண் இருக்க வாய்ப்பே இல்லை. பொதுப் பட்டியல் என்பது இட ஒதுக்கீட்டுப் பிரிவினரை தவிர்த்ததாகத் தயாரிக்கப்பட்டுள்ளது என்பதாகவே இருக்க முடியும். இது முற்றிலும் விதி மீறல் ஆகும். துவக்க நிலைத் தேர்வோ, இறுதித் தேர் வோ இட ஒதுக்கீட்டின் அடிப்படைக் கோட்பாடுகள் இரண்டிற்கும் ஒன்றே; அவை மாற இயலாது.” என்று சுட்டிக்காட்டியுள்ளார்.

ஆகவே, ஸ்டேட் வங்கி வெளியிட்டுள்ள தேர்வு முடிவுகள் முழு ஆய்வுக்கு உட்படுத்தப்பட வேண்டும் என்றும் இட ஒதுக்கீட்டு அடிப்படை அம்சங்கள் கடைப் பிடிக்கப்பட்டு உள்ளனவா என்பதை உறுதி செய்கிற வரை பணி நியமனங்களில் அடுத்த கட்டம் நோக்கி நகராமல் இருக்க உரிய அறிவுறுத்தல்கள் வழங்கப்பட வேண்டும் என்றும் கோரிக்கை வைத்துள்ளார்.

பள்ளி ஆசிரியர்களுக்கு வரும் சிக்கல்கள் – புதிய கல்வி கொள்கை

மேலும், இப்பிரச்சினையில் உடனடியாக உரிய தலையீட்டை செய்யுமாறு சம்பந்தப்பட்ட அமைச்சகங்களையும், ஸ்டேட் வங்கி தலைவரையும சு.வெங்கடேசன் இக்கடிதத்தின் மூலம் கோரியுள்ளார்.

சுதந்திர ஊடகத்தை ஆதரிக்க

உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.

மற்ற சில பதிவுகள்