Aran Sei

ஒரே நாடு ஒரே தேர்தல்’ என்பது அரசியலமைப்பு சட்டத்திற்கு எதிரானது – ஆம் ஆத்மி கட்சி கருத்து

ரே நாடு ஒரே தேர்தல் முறை அரசியலமைப்பு சட்டத்திற்கு எதிரானது என்று ஆம் ஆத்மி செய்தி தொடர்பாளர் அதிஷி தெரிவித்துள்ளார்.

இந்திய தேர்தல் ஆணையத்தின் அறிவுரைப்படி நாடாளுமன்ற தேர்தல், சட்டசபை தேர்தல் மற்றும் உள்ளாட்சித் தேர்தல்கள் என 3 வகைகளில் 5 ஆண்டுகளுக்கு ஒரு முறை நாடு முழுவதும் தேர்தல்கள் நடத்தப்பட்டு வருகின்றன. இதுதவிர அரசுகள் கவிழும் பட்சத்திலும், கட்சி தாவல்களாலும், வேட்பாளர்கள் மறைந்தாலும் இடைத்தேர்தல்கள் நடத்தப்படுகின்றன.

ஒரே நாடு ஒரே தேர்தல் மூலம் இந்தியாவில் அதிபர் ஆட்சியை கொண்டுவர பாஜக முயற்சி செய்கிறது – இந்திய கம்யூனிஸ்ட் கட்சி மாநிலச் செயலாளர் முத்தரசன் குற்றசாட்டு

பொதுவாக 5 ஆண்டுகளுக்கு ஒரு முறை மாநிலங்களில் சட்டசபை தேர்தல்களை நடத்தும் போது அவை நாடாளுமன்ற தேர்தல் நடத்தப்படும் தேதியுடன் ஒத்துப்போவதில்லை. இவ்வாறு நடத்தப்படும் தேர்தல்களினால் அரசுக்கு ஏற்படும் செலவுகள் அதிகமாக உள்ள நிலையில் ‘ஒரே நாடு, ஒரே தேர்தல்’ என்ற திட்டத்தை ஒன்றிய அரசு முன்னெடுத்துள்ளது.

இதுதொடர்பாக ஆய்வு செய்து அறிக்கை அளிக்க சட்ட ஆணையத்தை மத்திய சட்ட அமைச்சகம் அறிவுறுத்தி உள்ளது. அதன் அடிப்படையில் ஒவ்வொரு அரசியல் கட்சிக்கும் இந்திய சட்ட ஆணையம் கடிதம் அனுப்பி தங்களது கருத்துகளை தெரிவிக்க அறிவுறுத்தி உள்ளது.

முன்னதாக இந்த திட்டத்திற்கு திமுக சார்பில் எதிர்ப்பு தெரிவிக்கப்பட்டது. இது தொடர்பாக சட்ட ஆணையத்தில் திமுக அளித்த கடிதத்தில், ஒரே நேரத்தில் தேர்தல் நடத்துவதை காரணம் காட்டி ஒரு ஆட்சியை கலைக்க முடியாது என்று கூறப்பட்டுள்ளது.

ஒரே ரேஷன், ஒரே தேர்தல் கொண்டு வந்தால் மாநில உரிமை பறிக்கப்படும் – எம்.எச்.ஜவாஹிருல்லா

இந்த நிலையில், ‘ஒரே நாடு, ஒரே தேர்தல் திட்டத்திற்கு அரவிந்த் கெஜ்ரிவால் தலைமையிலான ஆம் ஆத்மி கட்சி எதிர்ப்பு தெரிவித்துள்ளது. பாஜக தனது ‘ஆபரேஷன் லோட்டஸ்’ திட்டம் மூலம் தேர்ந்தெடுக்கப்பட்ட மக்கள் பிரதிநிதிகளை வியாபாரம் செய்வதை சட்டப்பூர்வமாக்குவதற்கு இது ஒரு தந்திரம் என்று ஆம் ஆத்மி கட்சி குற்றம் சாட்டியுள்ளது.

இது தொடர்பாக பேசிய ஆம் ஆத்மி கட்சியின் செய்தி தொடர்பாளர் அதிஷி, “நாடாளுமன்ற ஆட்சி முறைக்கு பதிலாக குடியரசு தலைவர் முறையை கொண்டு வருவதற்காக இந்த திட்டத்தை பாஜக முன்மொழிந்துள்ளது. இந்த தேர்தல் முறை அரசியலமைப்பு சட்டத்திற்கும், அடிப்படை ஜனநாயகத்திற்கும் எதிரானது.

மக்களவை மற்றும் சட்டசபைகளுக்கு ஒரே நேரத்தில் தேர்தல் நடத்தினால், பணபலம் கொண்ட கட்சிகள் தங்கள் ஆதிக்கத்தை செலுத்தி மாநிலங்களின் பிரச்சினைகளை அடக்கி ஒடுக்கும், மேலும் வாக்காளர்களின் முடிவும் பாதிக்கப்படும்.

’ஒரே நாடு ஒரே தேர்தல்’ – பாஜக கருத்தரங்கு

ஆம் ஆத்மி கட்சி தனது பதிலை சட்ட ஆணையத்திடம் சமர்ப்பித்துள்ளது. சட்ட ஆணையம் அனைத்து கட்சிகளின் கருத்துக்களையும் பக்கச்சார்பற்ற மற்றும் பாரபட்சமற்ற முறையில் ஆய்வு செய்யும் என்று ஆம் ஆத்மி நம்புகிறது” என்று அக்கட்சியின் செய்தி தொடர்பாளர் அதிஷி தெரிவித்துள்ளார்.

Source : NDTV

Bjp new social media rule to empower PIB to remove the news | Maridas | Rangaraj Pandey

aran-logo

சுதந்திர ஊடகத்தை ஆதரிக்க

உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.

மற்ற சில பதிவுகள்