Aran Sei

குடியரசு நாள் அணிவகுப்பில் நிராகரிக்கப்பட்ட நேதாஜி – சுபாஷ் சந்திர போஸுக்கு இழைக்கப்பட்ட அவமானம் என காங்கிரஸ் கருத்து

குடியரசு தினத்தன்று நேதாஜி சுபாஷ் சந்திரபோஸின் வாழ்க்கையையும் அவர் நாட்டின் சுதந்திரப் போராட்டத்திற்கு ஆற்றிய பங்களிப்புகளை மேற்கு வங்க அட்டவணையில் வெளியிட அனுமதிக்க வேண்டும் மக்களவை காங்கிரஸ் தலைவர் ஆதிர் ரஞ்சன் சவுத்ரி விடுத்த கோரிக்கையை ஒன்றிய அரசின் பாதுகாப்பு அமைச்சர் ராஜ்நாத் சிங் நிராகரித்துள்ளார்

இந்த நிராகரிப்பு மேற்கு வங்க மக்களின் கலாச்சார பாரம்பரியம், நேதாஜி சுபாஷ் சந்திர போஸ் ஆகியோருக்கு அவமானம் என்று ஆதிர் ரஞ்சன்  குறிப்பிட்டுள்ளார்.

பாதுகாப்பு அமைச்சருக்கு சவுத்ரி எழுதியுள்ள கடிதத்தில், “மேற்கு வங்க மாநில அரசின் கலாச்சார பாரம்பரியம், நேதாஜியின் வாழ்க்கையும் சுதந்திரப் போராட்டத்தில் அவரது பங்களிப்பை வெளிப்படுத்தும் அணிவகுப்பு வாகனத்தை ஒன்றிய அரசு நிராகரித்துள்ளதை அறிந்து நான் ஏமாற்றமும் அதிர்ச்சியும் அடைந்தேன். குடியரசு தினம் 2022. இது மேற்கு வங்க மக்களுக்கும், அதன் கலாச்சார பாரம்பரியத்துக்கும், நமது மாபெரும் நாயகன் நேதாஜி சுபாஷ் சந்திர போஸ்க்கும் இழைக்கப்பட்ட அவமானம்.” என்று தெரிவித்துள்ளார்.

குடியரசு தினத்தின் போது ஒவ்வொரு மாநிலமும் அதன் கலாச்சார பாரம்பரியம் மற்றும் சின்னங்களை காட்சிப்படுத்த விரும்புகிறது, இதனால் தேசிய அளவில் பெரிய அளவில் பொதுமக்கள் அதை அறிந்து கொள்வார்கள்.

நேதாஜி மேற்கு வங்காளத்திற்கு மட்டுமல்ல, ஒட்டுமொத்த தேசத்திற்கே பெருமை என்றும் மக்களவை காங்கிரஸ் தலைவர் ஆதிர் ரஞ்சன் சவுத்ரி கூறியுள்ளார்.

aran-logo

சுதந்திர ஊடகத்தை ஆதரிக்க

உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.

மற்ற சில பதிவுகள்