Aran Sei

சென்னை உயர்நீதிமன்ற தலைமை நீதிபதியாக முனீஸ்வர் நாத் பண்டாரி நியமனம் – குடியரசுத் தலைவர் உத்தரவு

Image Credits: The Hindu

சென்னை உயர்நீதிமன்ற தலைமை நீதிபதியாக லகாபாத் உயர் நீதிமன்ற நீதிபதி முனீஸ்வர் நாத் பண்டாரி நியமிக்கப்பட்டுள்ளார்.

சென்னை உயர்நீதிமன்றத்தில்  தலைமை நீதிபதியாக் இருந்த சஞ்சிப் பானர்ஜியை மேகாலயா உயர்நீதிமன்றத்திற்கு இடமாற்றம் செய்வதற்கான உத்தரவை பிறப்பித்த ஒரு நாள் கழித்து, அலகாபாத் உயர் நீதிமன்ற நீதிபதி முனீஸ்வர் நாத் பண்டாரியை இடமாற்றம் செய்வதற்கான அறிவிப்பை ஒன்றிய அரசு வெளியிட்டது. சென்னை உயர் நீதிமன்றத்திற்கு.

75 நீதிபதிகளைக் கொண்ட சென்னை உயர் நீதிமன்றத்தின் தற்காலிக தலைமை நீதிபதியாக பண்டாரி பதவியேற்க இருக்கிறார். அலகாபாத் உயர் நீதிமன்றத்தின் இரண்டாவது மூத்த நீதிபதியான இவர், சென்னை உயர் நீதிமன்றத்தின் மூத்த நீதிபதி ஆவார். அலகாபாத் உயர்நீதிமன்ற தலைமை நீதிபதி சஞ்சய் யாதவ் ஓய்வு பெற்ற பிறகு, ஜூன் 26 முதல் அக்டோபர் 10 வரை அலகாபாத் உயர் நீதிமன்றத்தின் தற்காலிக தலைமை நீதிபதியாக பண்டாரி பணியாற்றினார்.

ஜூலை 5, 2007 அன்று ராஜஸ்தான் உயர் நீதிமன்றத்தின் நீதிபதியாக நியமிக்கப்பட்டார். 2019 இல் அலகாபாத் உயர் நீதிமன்றத்திற்கு மாற்றப்படும் வரை அவர் ராஜஸ்தான் உயர் நீதிமன்றத்தில் பணியாற்றினார். கொலிஜியம் 2019 இல் அவரது இடமாற்றத்தை முன்மொழிந்தது.

நீதிபதி பண்டாரி சென்னை உயர் நீதிமன்றத்தின் செயல் தலைமை நீதிபதியாகி, செப்டம்பர் 12, 2022 அன்று ஓய்வு பெறவுள்ளார்.

31 மூத்த வழக்கறிஞர்கள்  நீதிபதி சஞ்சிப் பானர்ஜியின் இடமாற்றத்திற்கு எதிராக எதிர்ப்பு தெரிவித்தனர்.மேலும், அவரைத் தக்கவைக்க விரும்பினர், ஆனால் வழக்கறிஞர்களின் முயற்சிகள் வீணாகின..

சுதந்திர ஊடகத்தை ஆதரிக்க

உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.

மற்ற சில பதிவுகள்