Aran Sei

அனைத்து கட்சி கூட்டம் – மத்திய மாநில அரசுகளை கண்டித்து தீர்மானம்

credit: statesman.com

க்களவை மற்றும் மாநிலங்களவையில் நிறைவேற்றப்பட்ட வேளாண்மை தொடர்பான மசோதாக்களுக்கு எதிர்ப்பு தெரிவிக்கும் விதத்திலும் மத்திய மற்றும் மாநில அரசுகளை கண்டித்தும் இன்று, தி.மு.க சார்பில் அனைத்து கட்சி கூட்டம் கூட்டப்பட்டது.

அத்தியாவசிய பொருட்கள் சட்டத் திருத்தம், வேளாண் விளைபொருட்கள் வணிகம் மற்றும் வர்த்தக சட்டம், பண்ணை ஒப்பந்த சட்டம் ஆகிய மூன்று சட்டங்கள் அண்மையில் நாடாளுமன்றத்தில் நிறைவேற்றப்பட்டன.

இந்தச் சட்டத்தைக் கொண்டு வந்த மத்திய அரசையும் அதை ஆதாரித்த அ.தி.மு.க தலைமையிலான மாநில அரசையும் கண்டித்து தி.மு.க சார்பில் அனைத்து கட்சிகள் கூட்டம் நடைபெற்றது.

இந்த கூட்டத்தில், காங்கிரஸ், விடுதலை சிறுத்தைகள், இந்திய கம்யூனிஸ்ட் கட்சி, இந்திய கம்யூனிஸ்ட் கட்சி (மார்க்சிஸ்ட்) மறுமலர்ச்சி திராவிட முன்னேற்ற கழகம், மனிதநேய மக்கள் கட்சி, திராவிடர் கழகம், கொங்குநாடு மக்கள் தேசியக் கட்சி, இந்திய ஜனநாயகக் கட்சி ஆகிய கட்சிகள் கலந்து கொண்டன.

மூன்று வேளாண் சட்டங்களை திரும்பிப் பெற வேண்டும் என்று மத்திய அரசையும் அதற்கு துணைபோகும் அ.தி.மு.க அரசையும் கண்டித்து செப்டம்பர் 28-ம் தேதி (திங்கட்கிழமை காலை 10.00 மணி அளவில்) மாவட்டத் தலைநகரங்களிலும் – நகராட்சி மற்றும் ஒன்றியங்களிலும் “கொரோனா” பாதுகாப்பு விதிகளை கடைபிடித்து, திராவிட முன்னேற்றக் கழகத்தின் தலைமையிலான அனைத்துக் கட்சிகளின் சார்பில், “மாபெரும் கண்டன ஆர்ப்பாட்டம்” நடத்தபடும் என்று இந்தக் கூட்டத்தில் ஒருமனதாகத் தீர்மானிக்கப்பட்டது.

இந்த ஆர்ப்பாட்டத்தில் அனைத்து விவசாய அமைப்புகளும்  தொழிலாளர் அமைப்புகளும்  வணிக சங்கங்களும், விவசாயிகள்  உள்ளிட்ட அனைத்துத் தரப்பு மக்களும் பங்கேற்க கூட்டம் அழைப்பு விட்டிருக்கிறது.

மத்திய அரசு நிறைவேறியிருக்கும் சட்டங்கள் விலை வீழ்ச்சிகள் போன்ற பாதிப்புகளிலிருந்து விவசாயிகளை பாதுகாக்கும் என்றும் விவசாயிகள் மற்றும் நுகர்வோர்களுக்கு நன்மைகள் உண்டாக்கும் என்றும் தமிழக முதல்வர் சென்ற சனிக்கிழமை வெளியிட்ட அறிக்கையில் குறிப்பிட்டிருந்தார்.

சுதந்திர ஊடகத்தை ஆதரிக்க

உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.

மற்ற சில பதிவுகள்