Aran Sei

தமிழைத் தவிர்த்து பிற மொழிகளில் வெளியிடப்பட்ட தேசிய கல்விக் கொள்கை வரைவு – தமிழைப் புறக்கணிக்கிறதா மத்திய அரசு?

தேசிய கல்விக் கொள்கையின் மொழிபெயர்புகளை 17 பிராந்திய மொழிகளில் மத்திய கல்வி அமைச்சகம் வெளியிட்டுள்ளது. அமைச்சகத்தின் இணையதளத்தின் வெளியிடப்பட்டிருக்கும் மொழிபெயர்புகளில் தமிழ் மொழி இடம்பெறவில்லை.

2019 ஆம் ஆண்டு இஸ்ரோ முன்னாள் தலைவர் கஸ்தூரி ரங்கன் தலைமையிலான குழு தாக்கல் செய்த புதிய கல்விக் கொள்கை வரைவை அடிப்படையாகக் கொண்டு 2020 ஆம் ஆண்டு தேசிய கல்வி கொள்கை உருவாக்கப்பட்டது.

இதற்கு ஜூலை 29, 2020 ஆம் ஆண்டு மத்திய அமைச்சரவை ஒப்புதல் அளித்ததை தொடர்ந்து நாடு முழுவதும் அமல்படுத்தப்பட்டு வருகிறது.

“இஸ்லாமிய அமைப்புகளுக்குத் தடை விதித்த இலங்கை” – மனிதநேய மக்கள் கட்சி கண்டனம்

முதலில், ஆங்கிலம் மற்றும் இந்தியில் மட்டுமே தேசிய கல்வி கொள்கையின் வரைவுகள் வெளியிடப்பட்டிருந்த நிலையில், அதனைப் பிராந்திய மொழிகளில் மொழிப்பெயர்த்து வெளியிட வேண்டும் என மத்திய அரசை கல்வியாளர்கள் நிர்பந்தித்தார்கள். இந்நிலையில் தற்போது மாநில மொழிகளில் தேசிய கல்வி கொள்கையின் வரைவை மத்திய அரசு வெளியிட்டுள்ளது.

அதனடிப்படையில் தற்போது 17 பிராந்திய மொழிகளில் கல்விக் கொள்கை மொழிபெயர்ப்பு கல்வி அமைச்சகத்தின் இணையதளத்தில் வெளியிடப்பட்டுள்ளது.

கன்னடம், மலையாளம், தெலுங்கு, கொங்கணி, குஜராத்தி, காஷ்மீரி, நேபாளி, ஒடியா, அசாம், பெங்காலி, போடோ, மராத்தி, பஞ்சாபி, டோக்ரி, மைதிலி, மணிப்புரி, சந்தாலி ஆகிய 17 மொழிகளில் தேசிய கல்விக் கொள்கை மொழிபெயர்க்கப்பட்டு இருக்கும் நிலையில், தமிழ் மொழிக்கான மொழிபெயர்ப்பு வெளியிடப்படவில்லை.

 

சுதந்திர ஊடகத்தை ஆதரிக்க

உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.

மற்ற சில பதிவுகள்