இந்தியாவின் தேசியக் கொடியை போர்த்திக் கொண்டு நாட்டை கொள்ளை அடிக்கும் முயற்சியில் அதானி குழுமம் ஈடுபடுகிறது என்று ஹிண்டன்பர்க் ரிசர்ச் நிறுவனம் தெரிவித்துள்ளது.
அமெரிக்காவை சேர்ந்த ஹிண்டன்பர்க் நிறுவனம் கடந்த புதன்கிழமை அதானி குழுமம் கடந்த 10 ஆண்டுகளாக பங்குச்சந்தையில் செய்த மோசடிகள், பொய்கணக்கு, பங்குகளின் விலையை செயற்கையாக உயர்த்தியது உள்ளிட்டவற்றை வெளிச்சம் போட்டுக் காட்டும்படியான அறிக்கை ஒன்றை வெளியிட்டது. இந்த அறிக்கை வெளியானதிலிருந்து பங்குச்சந்தையில் அதானி குழுமத்தின் பங்குகள் அனைத்தும் ஆட்டம் கண்டன. 2 நாட்களில் அதானி குழுமப் பங்குகள் மதிப்பு 20 சதவீதம் சரிந்தது. ஏறக்குறைய அதானி குழுமத்துக்கு ரூ.4 லட்சம் கோடி இழப்பு ஏற்பட்டுள்ளதாகக் கூறப்படுகிறது.
இதனிடையே, ஹிண்டன்பர்க் ஆராய்ச்சி நிறுவனத்தின் அறிக்கை இந்தியா மீதான திட்டமிட்ட தாக்குதல், இந்த நிறுவனத்தின் குற்றச்சாட்டுகள் அனைத்தும் பொய்கள் என்று அதானி குழுமம் 413 பக்கத்தில் அறிக்கை வெளியிட்டுள்ளது.
அதானி குழுமத்தின் விளக்கத்திற்கு பதிலடி கொடுத்துள்ள ஹிண்டன்பர்க் ரிசர்ச் நிறுவனம், “எங்களது புகார்களுக்கு விளக்கம் தராமல் இந்தியா மீது தாக்குதல் என்று அதானி குழுமம் கூறியது கவனத்தை திசைதிருப்பும் முயற்சி. தங்கள் குற்றச்சாட்டுக்கு அதானி குழுமம் அளித்துள்ள விளக்கத்தை நாங்கள் ஏற்கவில்லை என்று தெரிவித்துள்ளது
இந்தியாவின் தேசியக் கொடியை போர்த்திக் கொண்டு நாட்டை கொள்ளை அடிக்கும் முயற்சியில் அதானி குழுமம் ஈடுபடுகிறது. 413 பக்க அதானியின் அறிக்கை 30 பக்கங்கள் மட்டுமே தங்கள் ஆய்வறிக்கைக்கு விளக்கம் அளிப்பதாக உள்ளது. முறைகேடுகளுக்கு சம்பந்தம் இல்லாத தகவல்களை திணித்து இருக்கிறார்கள். 88 கேள்விகளில் 62 கேள்விகளுக்கு எந்த பதிலையும் அதானி குழுமம் தெரிவிக்கவில்லை. மேலும் தேசியவாதத்தால் தங்களது மோசடியை அதானி குழுமம் மறைக்க முடியாது. தங்கள் குழுமத்தில் அதிக பங்கு வைத்திருப்போர் பற்றி தெரியாது என அதானி குழுமம் கூறியிருப்பதை ஹிண்டன்பர்க் சுட்டிக்காட்டியுள்ளது.
Source : the hindu
LIC-க்கு பாடை கட்டிய அதானி | வீணாய் போன மோடியின் உழைப்பு | Aransei Roast | BJP | Modi | Adani | BBC
சுதந்திர ஊடகத்தை ஆதரிக்க
உங்கள் பங்களிப்பு, அரண்செய் ஊடகத்தின் சுதந்திரத்தை உறுதி செய்கிறது. இதன் மூலம் எங்களால் தொடர்ந்து சிறந்த செய்திகளை அனைவருக்கும் வழங்க முடியும். உங்கள் பங்களிப்பு எவ்வளவு சிறிதாயினும் அல்லது பெரிதாயினும் அது எங்களின் எதிர்காலத்திற்கு மிகவும் அவசியமானது.